Um bókina
Kvikmyndafræði fyrir framhaldsskóla er kennslubók í kvikmyndafræðum á framhaldsskólastigi. Hún er byggð á grunnþáttum og lykilhæfni í aðalnámskrá framhaldsskóla sem eru: Læsi, sjálfbærni, lýðræði og mannréttindi, jafnrétti, heilbrigði og velferð og sköpun.
​
Þessir þættir koma fram í köflum bókarinnar:
​
-
Fyrstu kaflarnir þrír: Hvað er kvikmyndafræði? Hvað er kvikmynd? og sjöunda listgreinin fjalla um kvikmyndfræði sem fræðigrein og hvernig kvikmyndir eru séðar sem listaverk: Heilbrigði og velferð, sköpun.
-
Upphaf kvikmyndarinnar fjallar um þróun kvikmyndarinnar á fyrstu árum hennar og helstu frumkvöðla: læsi, sköpun, heilbrigði og velferð.
-
Þýskur expressjónismi fjallar um þjáða þjóð sem notar kvikmyndamiðilinn til þess að fjalla um angist þjóðarsálarinnar á milli tveggja heimsstyrjalda: lýðræði og mannréttindi, heilbrigði og velferð, sköpun.
-
Sovéska myndfléttan fjallar um kvikmyndagerð undir kommúnisma þar sem ungir kvikmyndagerðarmenn þróa nýjar aðferðir þrátt fyrir lítið fjármagn: Lýðræði og mannréttindi, sköpun.
-
Ítalska nýraunsæið fjallar um þjóð sem reynir að snúa aftur til raunveruleikans eftir blekkingafull stríðsár fasistastjórnar: Lýðræði og mannréttindi.
-
Franska nýbylgjan fjallar um hóp kvikmyndagerðarmanna sem notuðu hugvit sitt og menntun til þess að breyta kvikmyndum um alla tíð: Læsi og sjálfbærni, sköpun.
-
Ameríska nýbylgjan fjallar um nýja Hollywood og leikstjórana sem fluttu Bandaríkin inn í nýja tíma í kvikmyndagerð: Sköpun, læsi og sjálfbærni.
-
Íslenska kvikmyndavorið fjallar um frumkvöðla í íslenskrei kvikmyndagerð og þróun kvikmynda i fullri lengd á Íslandi: Heilbrigði og velferð, sköpun, sjálfbærni.
-
Femínísk kvikmyndafræði fjallar um bága stöðu kvenna í kvikmyndum: Jafnrætti, heilbrigði og velferð.
​​
Markmið bókarinnar er að flétta þessum grunnþáttum og lykilhæfni eins og þeim er lýst í aðalnámskrá inn í efnistökin svo að nemendur getið þróað siðferðilega hugsun, sam- félagslega ábyrgð og þróað gagnrýna hugsun. Á eftir hverjum kafla eru verkefni sem miðast við að víkka þekkingu og gagnrýna hugsun.
​
Þetta rit á að vera aðgengileg nemendum rafrænt þeim að kostnaðarlausu þar sem þeir geta skoðað, lesið og lært gagnvirkt með þeim tækjum sem þeir kjósa og hafa aðgang að.
​
Þessu riti er ekki ætlað að vera alfræðirit sem er til í tómarúmi. Hún er skrifuð með nútímann í huga. Lesendur eru reglulega hvattir til þess að rannsaka upplýsingar á Internetinu og sækja sér frekari fróðleik þaðan. Helsta framlag þessa rits er kynna lesendur fyrir kvikmyndafræðinni, hvetja til ígrundunnar og gagnrýnnar hugsunnar og vísa þeim áfram veginn inn í sjálfbæra framtíð.
​
Síðasti kafli bókarinnar samanstendur af leiðbeiningum handa kennurum sem vilja nýta efni bókarinnar í kennslu. Leiðbeiningarnar og hollráð sem eru gefin hér miðast við að kennarar geta kennt efnið að hluta til eða í heild sinni við flestar hugvísindagreinar en þó aðallega kvikmyndafræði, íslensku og sagnfræði.
​
Þessi bók var unnin í samstarfi við Framhaldsskólann í Mosfellsbæ og hlaut styrk frá Þróunarsjóði námsgagna RANNÍS.